12.12.2014, 20:09 Хаб ёки свитч? Қайси биридан фойдаланган маъқул? Тўғри танлов керакми? У холда сиз бу тармоқ қурилмаларини қай бири қай холатда ишлатилиши ва уларнинг бир– биридан фарқини билиб олиш фойдадан холи бўлмайди. Умуман олганда оргтехника билан яхши таниш инсон хаб ва свитч хақида хам бир қанча маьлумотларга эга бўлиши аниқ. Аммо аксари унинг ичида, яъни портларда қандай жарайнлар кечиши хақида етарлича маълумотга эга эмаслар. Келинг аввал Хаб– тармоқ қурилмасини кўриб чиқамиз.

Хаб – бу бир кириш ва бир қанча чиқишга эга бўлган тармоқ қурилмасидир. Сигнал узатиш тезлиги 10/100/1000 Мбит/с бўлади. Агар тармоқни OSI модели бўйича етти пағонага бўладиган бўлсак, хаб биринчи пағонага тўғри келади.

Хабни ишлаш принципини кўриб чиқамиз. Хаб 1 портга келган сигнални нусхасини бир вақтнинг ўзидабарча портларга жунатади. Шу вақтда хабга уланган тармоқнинг бошҚа актив қурилмасидан маълумот жунатилди. Бунда шу портда сигналларни йўқотилиши содир бўлади. Чунки хаб яримдуплекс режимда ишлайди. Бир портдан ҳам узатиб, ҳам қабул қилиб олишимкониятига эга эмас. Хаб асосан тармоқнинг кичик сегментларида қўлланилади. Хаб шу билан бирга хавфсизлик талабларига ҳам тўлиқ жавоб бермайди. У нусхалаб юборган сигнал тармоқдаги барча компьютертармоқ адаптерига етиб келиши мумкин. Бу эса маълумотга рухсат этилмаган холатда эгалик қилишга олибкелади. Сигнални нусхасини олиб юбориш хаб иш фаолиятини секинлаштиради.Юкланиш кўпайиб кетади. Натижада маълумотлар йўқолишига олиб келади. Тармоқда компьютерлар сони ошиб боргани сари хабнинг ФИК камайиб боради.

Свитч – бир қанча сегментни бирлаштирувчи тармоқ коммутаторидир. Коммутатор OSI моделининг 2– пағонасига мос келади. Тармоқ администратори тили билан свитч – бу коммутатор, бридж(мость) деб ҳам аталади. Сигнал узатиш тезлиги 10/100/1000 Мбит/с бўлади. Шу билан бирга коммутаторларни бир – бири билан боғлаш учун алоҳида 2/10 Гбит/с тезликдаги портлар хам мавжуд бўлиб, тўлиқ дуплекс режимда ишлайди. У маълумотни нусхасини барча портларга юбормайди. Аксинча пакетда қабул қилувчининг адреси бўйича сигнални жўнатади. Коммутатор тармоқдаги компьютерларнинг МАС адресини ўзининг хотирасидаги жадвалда бир қанча муддатга сақлаб қолади. Бу эса пакетларни узатилиш тезлиги, ишончлилиги ва хавфсизлигини оширади. Коммутатор буфер хотирасида қабул қилган сигнални сақлаб туради. Коммутаторлар бошқарилувчива бошқарилмайдиган турларга бўлинади. Бошқарилувчи коммутаторнинг хар бир портини алохида сегментга бириктириш мумкин. Коммутатор 48 портга эга бўлса, унинг жуфт рақамли портларини 192.168.х.х га, тоқ рақамли портларини 172.57.х.х га бириктириш мумкин. Ёки бўлмаса 10 – портни 20 – портга трансляция қилиш мумкин. Умуман олганда коммутаторларнинг имкониятлари доираси кенг. Уларни турли сахаларда, турли мақсадларда қўллаш мумкин. Коммутаторлар ёрдамида VLAN ҳосил қилиш мумкин. VLAN ёрдамида катта тармоқларни бошқариш янада осонлашади.

Manba: Nuriston.lark.ru




Ko'rildi: 651 | Добавил: admin | Рейтинг: 0.0/0

Всего комментариев: 0